എക്സ്-ഷോറൂം വില 8.39 ലക്ഷം മുതൽ 12.39 ലക്ഷം രൂപ വരെ
അഞ്ച് നിറങ്ങളിലും ഏഴ് ട്രിമ്മുകളിലും എസ്-ക്രോസ് പെട്രോൾ ലഭിക്കും.
പെട്രോൾ എൻജിൻ ഉപയോഗിക്കുന്ന മാരുതി സുസുകി എസ്-ക്രോസ് ഇന്ത്യൻ വിപണിയിൽ അവതരിപ്പിച്ചു. 8.39 ലക്ഷം മുതൽ 12.39 ലക്ഷം രൂപ വരെയാണ് എക്സ്-ഷോറൂം വില. അഞ്ച് നിറങ്ങളിലും ഏഴ് ട്രിമ്മുകളിലും എസ്-ക്രോസ് പെട്രോൾ ലഭിക്കും.
1.5 ലിറ്റർ കെ15 ബി എൻജിനാണ് മാരുതി സുസുകി എസ്-ക്രോസ് പെട്രോൾ പതിപ്പിന് കരുത്തേകുന്നത്. ഈ മോട്ടോർ 103 ബിഎച്ച്പി പരമാവധി കരുത്തും 138 എൻഎം പരമാവധി ടോർക്കും ഉൽപ്പാദിപ്പിക്കും. 5 സ്പീഡ് മാന്വൽ, 4 സ്പീഡ് ഓട്ടോമാറ്റിക് എന്നിവയാണ് ട്രാൻസ്മിഷൻ ഓപ്ഷനുകൾ. മാരുതി സുസുകിയുടെ മൈൽഡ് ഹൈബ്രിഡ് സംവിധാനമായ എസ് എച്ച് വി എസ് ലഭ്യമാണ്.
‘സ്മാർട്ട്പ്ലേ സ്റ്റുഡിയോ’ ഇൻഫൊടെയ്ൻമെന്റ് സിസ്റ്റം, ക്രൂസ് കൺട്രോൾ, ക്ലൈമറ്റ് കൺട്രോൾ, എൻജിൻ സ്റ്റാർട്ട്-സ്റ്റോപ്പ് ബട്ടൺ, തുകൽ അപോൾസ്റ്ററി, മുന്നിൽ ഇരട്ട എയർബാഗുകൾ, ഉയരം ക്രമീകരിക്കാവുന്ന ഡ്രൈവർ സീറ്റ് തുടങ്ങിയ സവിശേഷതകൾ ഉൾക്കൊള്ളുന്നതാണ് മാരുതി സുസുകി എസ്-ക്രോസ് പെട്രോൾ.
സിഗ്മ, ഡെൽറ്റ, സീറ്റ, ആൽഫ എന്നീ നാല് വേരിയന്റുകളിൽ മാരുതി സുസുകി എസ്-ക്രോസ് പെട്രോൾ ലഭിക്കും. നെക്സ ബ്ലൂ, കഫീൻ ബ്രൗൺ, ഗ്രാനൈറ്റ് ഗ്രേ, പേൾ ആർട്ടിക് വൈറ്റ്, പ്രീമിയം സിൽവർ എന്നിവയാണ് അഞ്ച് കളർ ഓപ്ഷനുകൾ.
വേരിയന്റ് | വില |
സിഗ്മ എംടി | 8.39 ലക്ഷം രൂപ |
ഡെൽറ്റ എംടി | 9.60 ലക്ഷം രൂപ |
ഡെൽറ്റ എടി | 10.83 ലക്ഷം രൂപ |
സീറ്റ എംടി | 9.95 ലക്ഷം രൂപ |
സീറ്റ എടി | 11.18 ലക്ഷം രൂപ |
ആൽഫ എംടി | 11.15 ലക്ഷം രൂപ |
ആൽഫ എടി | 12.39 ലക്ഷം രൂപ |